2015 jylǵy 25 aqpan, Astana qalasy
Kedendik deklarasııalaý jónindegi mamannyń biliktilik attestatyn berý qaǵıdasyn bekitý týraly
«Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 32-babynyń 1-tarmaǵyna sáıkes, buıyramyn:
1. Kedendik deklarasııalaý jónindegi mamannyń biliktilik attestatyn berý qaǵıdasy bekitilsin.
2. Qazaqstan Respýblıkasy Qarjy mınıstrligi Memlekettik kirister komıtetine (D. E. Erǵojın) zańnamamen belgilengen tártipte:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) osy buıryqty memlekettik tirkeýden ótkizgennen keıin kúntizbelik on kún ishinde merzimdik baspa basylymdarda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr B. Sultanov.
Qazaqstan Respýblıkasy Qarjy mınıstriniń
2015 jylǵy 25 aqpandaǵy № 124 buıryǵymen bekitilgen
Kedendik deklarasııalaý jónindegi mamannyń biliktilik
attestatyn berý qaǵıdasy
1. Osy Kedendik deklarasııalaý jónindegi mamannyń biliktilik attestatyn berý qaǵıdasy kedendik deklarasııalaý jónindegi mamannyń biliktilik attestatyn berý tártibin aıqyndaıdy.
2. Kedendik deklarasııalaý jónindegi mamannyń biliktilik attestatyn alý úshin aqparattyq júıelerdi qoldana otyryp, «Qazaqstan Respýblıkasyndaǵy keden isi týraly» Qazaqstan Respýblıkasy Kodeksiniń 32-babynyń 3-tarmaǵyna sáıkes aıqyndaǵan aýmaqtyq memlekettik kirister organdary ótkizetin biliktilik emtıhanyn tapsyrý qajet.
3. Biliktilik emtıhandy júrgizgen aýmaqtyq memlekettik kirister organdarynyń jaýapty laýazymdy tulǵasy bir jumys kún ishinde vedomostaryn jınaý jáne hattamalardy jasaý jolymen biliktilik emtıhandarynyń qorytyndysyn shyǵarady.
4. Biliktilik emtıhanyn júrgizgen aýmaqtyq memlekettik kirister organynyń basshysy (ony almastyratyn adam) jáne jaýapty laýazymdy tulǵasy qol qoıǵan hattamanyń negizinde biliktilik attestattar, «Qazaqstan Respýblıkasyndaǵy keden isi týraly» Qazaqstan Respýblıkasy Kodeksiniń 32-babynyń 7-tarmaǵyna sáıkes bekitiletin nysan boıynsha kedendik deklarasııalaý jónindegi mamannyń beıdji daıyndalady.
5. Biliktilik attestattar jáne beıdjderge aýmaqtyq organnyń basshysy (ony almastyratyn adam) qol qoıady.
6. Aýmaqtyq memlekettik kirister organdary kedendik deklarasııalaý jónindegi mamannyń biliktilik attestatyn berýdi biliktilik emtıhandaryn tapsyrǵan sátten bastap bes jumys kúninen keshiktirmeı júrgizedi.
7. Aýmaqtyq memlekettik kirister organdary Qaǵıdaǵa qosymshaǵa sáıkes nysan boıynsha kedendik deklarasııalaý jónindegi mamannyń biliktilik attestatyn, beıdjderin berý jýrnalyn júrgizedi.
8. Kedendik deklarasııalaý jónindegi mamannyń biliktilik attestaty nemese beıdjderi joǵalǵan (búlingen), sondaı-aq tegi, aty, ákesiniń aty ózgergen jaǵdaıda budan buryn kedendik deklarasııalaý jónindegi attestatty bergen aýmaqtyq memlekettik kirister organyna erkin nysandaǵy ótinishti:
jeke basyn kýálandyratyn qujattyń kóshirmesin;
mólsheri 3,5 h 4,5 santımetr túrli-tústi eki fotografııany qosa bere otyryp usyný qajet.
9. Kedendik deklarasııalaý jónindegi mamannyń biliktilik attestatynyń qoldanylý merzimi eki jyldy quraıdy.
Qoldanylý merzimi aıaqtalǵannan keıin kedendik deklarasııalaý jónindegi mamannyń biliktilik attestaty jaramsyz dep sanalady.
10. Qoldanylý merziminiń aıaqtalýyna baılanysty biliktilik attestatynyń qoldanylýy toqtatylǵan jaǵdaıda kedendik deklarasııalaý jónindegi maman qoldanylý merzimi aıaqtalǵanǵa deıin eki aı buryn qoldanystaǵy biliktilik attestatyn qosa bere otyryp, «Qazaqstan Respýblıkasyndaǵy keden isi týraly» Qazaqstan Respýblıkasy Kodeksiniń 32-babynyń 4-tarmaǵyna sáıkes qaıta attestattaý boıynsha emtıhan tapsyrýǵa ótinish beredi. Emtıhandy sátti tapsyrǵan kezde qoldanystaǵy biliktilik attestaty jańasy tirkelgen sátten bastap jaramsyz bolady.
11. Eger kedendik deklarasııalaý jónindegi mamannyń biliktilik attestaty ótinish ıesi usynǵan tolyq emes málimetter jáne dáıeksiz málimetter negizinde berilgen jaǵdaıda, biliktilik attestaty joıylýǵa jatady.
12. Biliktilik attestatyn joıý týraly sheshim aýmaqtyq memlekettik kirister organy basshysynyń (ony almastyratyn adamnyń) buıryǵymen resimdeledi. Bul rette biliktilik attestatyn berý týraly qaıtalama ótinishti aýmaqtyq memlekettik kirister organy joıý týraly buıryq qabyldanǵan kúninen bastap bir jyl ótken soń qaraıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 9 sáýirdegi Normatıvtik quqyqtyq kesimderdi memlekettik tirkeýdiń tizilimine №10657 bolyp engizildi.